24.09.2019-СВР Велес
Организирање на работна средба помеѓу претставници од агенции за приватно обезбедување и претставници од секторите за внатрешни работи при Министерството за внатрешни работи претставува реализација на меморандумот за соработка меѓу Министерството за внатрешни работи и Комората на РСМ за приватно обезбедување, особено во смисол на член 3, став 1, точка 1 од меморандумот за „Размена на статистички податоци и информации за нови форми и појави на криминално однесување, начини за заштита на луѓето и имотот, криминални појави при обезбедување и заштита и други околности кои влијаат на ефикасноста на системот за безбедност и при спроведување на безбедносни операции, со взаемна помош“.
Со средбата одржана во СВР Велес Комората и МВР отпочнуваат серијата настани во правец на соработка и дискусија за дилемите и предизвиците во тековното оперативно функционирање на јавниот и приватниот безбедносен сектор во државата.
